– Ein uvanleg veg til Brann
Signerte laurdag kveld.
Laurdag var medisinsk test bestått, og Vegard Leikvoll Moberg kunne setja seg på flyet frå Flesland til Las Palmas for å delta på Brann sin treningsleir på Gran Canaria.
13 år etter debuten for A-laget til Os:
I dag stadfestar SK Brann at kontrakten blei signert laurdag kveld (på lagkamerat og sambygding Ole Martin Kolskogen sin 21-årsdag), og at Vegard i dag, på 31-årsdagen sin, har alt det formelle i orden så han kan kalla seg Brann-spelar.
I ruta under ser du klubben sitt første intervju med den nyerverva spelaren frå Os.
Vegard har gått frå Os via Åsane, Sogndal, danske Silkeborg og Bodø/Glimt til Brann.
– Ein litt uvanleg veg? får han spørsmål om.
– Ja, men eg er glad for den vegen eg har hatt. At den no har leia fram til Brann er eg stolt over, seier Moberg.
– Han veit kva som må til
– Vi er veldig nøgde med å ha fått Vegard til Bergen og Brann. Han er rutinert, og veit hva som må til både i OBOS-ligaen og Eliteserien, seier sportslig leder i Brann, Jimmi Nagel Jacobsen til brann.no.
– Han er hardtarbeidande, lokal og topp motivert for å bidra til å nå målet om å koma seg tilbake i Eliteserien så fort som mogleg,
Kontrakten gjeld ut årets sesong.
