Etter null skåringar på sine første 24 kampar i Eliteserien i fjor, har Vegard i vinter funne skåringsformen, med 8 mål på 9 treningskampar, 3 av dei i generalprøven mot Tromsø.
I serieopninga spelte han heile kampen då Bodø/Glimt slo Rosenborg 2-0 på heimebane, i går blei han sentral i 9-målskamp borte mot Mjøndalen.
Vegard sette inn 2-0 på straffe i 36. minutt i det som utvikla seg til ein svært innhaldsrik kamp.
Mjøndalen snudde kampen til 3-2, men to mål av Geir André Herrem gav Bodø/Glimt leiinga igjen.
Leik debuterte som Eliteserie-keeper
På stillinga 3-4 blei Bodø-keeper Ricardo Friedrich skadd. Bodø/Glimt hadde ikkje fleire byte igjen, og osingen Leikvoll Moberg måtte ta på seg keeperhanskane.
Vegard har ikkje stått i mål sidan ein kretskamp i ungdomen. Trenar Kjetil Knudsen seier han ville ha ein stor spelar i mål.
– Ricardo sa «vinn kampen for meg», fortel Vegard til VG etter kamp.
Vegard slapp inn eitt mål, eit skot få keeperar ville redda, men ein draumetreff av Håkon Evjen på overtod sikra 4-5-siger til Bodø/Glimt.
«Sesongens mest elleville kamp ser ut til å ha kome allereie i andre serierunde» sa TV2-kommentatorane.