Det skal koma fleire fnugg til helga
Frå vår til litt vinter i overgangen til april.
Tysdag morgon, etter nokre veker med sol og nokre dagar med tosifra mengde plussgradar, kom det lett snøfall over Os.
Vi har ikkje fått meldingar om vanskeleg føre på vegane, men i utsette område kan det vera verdt å vera varsam.
Det er ikkje spesielt seint med snø i slutten av mars, for berre to år sidan hadde vi snødekte bilar 12. mai.
Det er også neppe det siste snøfallet denne vinteren.
No er det meldt lettskya, sol og 5-6 plussgradar fram til og med laurdag, men minusgradar natt til torsdag og snø laurdag kveld og natt til søndag.
- Sjå detaljert vêrmelding for Osøyro på VG Pent (Yr og Storm side om side)
Det er ikkje venta dei store nedbørsmengdene, verken i låglandet eller i fjellet.
Skidestinasjonane nærmast Os har ikkje fått mykje påfyll etter vinterferien, men Eikedalen har 80 cm, Furedalen 90 cm og Voss og Myrkdalen over 150 cm snø i anlegget.
