Snø - to veker før 17. mai!
Også i neste veke kan det bli kvitt på bakken.
Bildeserie:
Fredag morgon 3. mai var det snø på bakkane og trea i låglandet i Os og Bergen.
Vegvesenet gjekk i morgontimane ut og ba trafikantane vera varsame, ei lita veke etter at piggdekkforbodet sette inn, men ifølgje BT har det ikkje vore meldt om trafikkuhell i morgontimane.
Heller ikkje politiet i Os har fått inn melding om problem i trafikken.
På Facebooksida «Trafikkmeldinger Fanafjell» var det tett med rapportar og spørsmål i morgontimane - og gode svar å få:
«Våt asfalt, 1 grad. Ingen problem kl 05.45 på sommerdekk.»
Meir snø i vente?
Temperaturen i Os gjekk frå 19 til 9 gradar frå tysdag til onsdag 1. mai. I natt var den rundt null, og temperaturen skal halda seg under 10 gradar ei veke fram.
Det er meldt sol fredag og laurdag, med 1 plussgrad natt til laurdag. Søndag er det meldt regn og 4 til 6 gradar.
Det skal letta over helga, men med fare for sludd onsdag og snø natt til neste torsdag.
• Sjå detaljert vêrmelding for Osøyro på Pent.no