– Det blei ein suksess
Breakdancekursa på Søre Neset blei ein suksess med fulle klassar. - Vi har allereie sett dato for neste dansehelg, fortel Nina Beate Fagerlid.
Breakdance og hiphop er i vinden som aldri før. På Kuhnletunet er det hiphop med Hans Kristian Andersen fra Absence Crew kvar måndag.
Førre helg arrangerte Søre Neset Ungdomslag breakdancekurs med Laurent Kelmendi og Henrik Nordin frå Mixmaster Cru.
- Det blei rett og slett ein braksuksess, stråler primus motor Nina Beate Fagerlid.
- Vi hadde seks kurs til saman, tre på laurdag og tre sundag. Alle var fullstappa med 30 ungar på kvar.
Har planane klare
Suksessen har gjeve ungdomslaget lyst på meir.
- Vi har allereie planane klare og sett dato for neste dansehelg.
- Det er mogleg vi gjer nokre forandringar, for eksempel å avslutta med diskotek i staden for oppvising, men det skal vi diskutera litt meir først.
- Uansett skal vi skapa dansefeber i Os saman med gutane frå Mixmaster Cru, avsluttar Fagerlid med eit smil.