Desse ungane fekk inn 4500 kroner på utandørs kafé og auksjon

I dag er det tid for årets TV-aksjon, i går lagde Eva (5), Eric (8) og Nora (5) utandørs kafé og butikk i sitt eige nabolag, til inntekt for aksjonen.

Pengane går i år til Barnekreftforeningen, som ønskjer å bygga familiehus ved sjukehusa i Tromsø, Trondheim, Bergen og Oslo.

Saft, kaffi, sjokoladekake og eplekake sto på menyen.

I tillegg selte den initiativrike gjengen leikar frå rommet sitt - og denne teikninga:

Frå klokka 14 til 17 fekk dei inn heile 2700 kroner.

I tillegg kom det 1800 kroner frå sal av éi teikning.

Teikninga blei selt på auksjon.

– Det blei bodkrig blant pensjonistgjeng som sit i Spania, forklarer ei stolt og overraska mor, Kristina Torsnes.

Pengane blir vippsa samla til aksjonen i dag.

Til no, før bøssebærarane har tatt runden sin, har det kome inn 285.672 kroner i Bjørnafjorden kommune, 10,95 kroner per innbyggar.

Det plasserer oss på ein foreløpig 32. plass av totalt 43 kommunar i Vestland fylke.