Cup-eventyret over

Etter ein fantastisk spennande kamp i 1/32-delsfinalen i b-sluttspelet mot Fana kor Nore Neset 2 vann 5-4 på straffekonkurranse var dei torsdag morgon klare for oppgjeret mot Oslo-laget Grei.

– Gutane spelte ein fantastisk kamp. Grei hadde ein god midtstoppar og gode vingar, men gutane våre var betre og vann 2-0.

Målskårarar mot Grei var Lasse Døsen og Peder Lyssand.

Tapte for eit betre lag

I 1/8-finalen var det duka for nok eit lokaloppgjer då Nore Neset 2 møtte Åsane 2.

– Vi må berre innrømma at vi tapte for eit betre lag.

– Dei leia 3-0 før kvarteret var gått, så reduserte vi til 1-3 ved eit fantastisk skot heilt oppe i krysset frå Kenneth Aga og fekk tilbake litt av trua, men Åsane fekk inn 1-4 før pause.

– Då gjekk lufta litt ut av oss og dei la på til 1-5 i byrjinga av 2. omgangen, fortel Brynjar Øvstedal.

I motsetning til på Os var det varmt på Ekebergsletta torsdag.

– Vi fekk ei ekstra lang oppvarming då kampen før gjekk til ekstraomganger.

– I den varmen som er her borte gjekk vi oss rett og slett tomme utover i kampen, forklarar Øvstedal.

Brant kjempesjanse

1. laget som tok seg til A-sluttspelet møtte torsdag formiddag Herd i 1/16-delsfinalen.

– Ein vinn ikkje når ein ikkje set sjansane sine.

– Vi hadde mellomanna ei frå omlag ein meter, kor keeper ligg ned, som vi klarar å blåse over.

– Når dei då skårar 1-0, så blei det slutresultatet, men sant skal seiast. Herd var nok eit betre lag enn oss, innrømmar Øvstedal.

God læring, skal vera stolte

Øvstedal fortel at Nore Neset-gutane er skuffa etter å ha blitt slått ut av turneringa.

– Det har dei lov til å vera, men dei skal veta at vi trenarane er stolte av den prestasjonen dei har gjort.

– Dei har fått god lærdom å ta med seg vidare utover hausten etter å ha spelt tøffe og jamne kampar heile veka.

– Det var gøy så lenge det varte, avsluttar Brynjar Øvstedal.

P.S. Søre Neset J19 er framleis med i turneringa. Dei spelar semifinale i b-sluttspelet mot Trio torsdag kveld klokka 20.