Buss sperra veg
– Eg ser lærarar setja frå seg bilen for å gå siste stykket til jobb.
Torsdag klokka 07.22 fekk Midtsiden tips om buss som sperrer veg i Lysefjorden.
– Den ser ut til ikkje å ha klart svingen i den midlertidige kryssløysinga som er laga her mellom Søvikvegen og Edne, seier meldar.
– Eg skulle køyra dottera mi til skulen, og sette ho av her nede. Då ho gjekk forbi sa ho at det «hang eit hjul i lufta».
– Eg ser lærarar setja frå seg bilen nede ved ungdomshuset, for å gå siste stykket, fortel ho.
Politiet har foreløpig ikkje informasjon om uhellet.
Midtsiden har snakka med pressekontakt hos Skyss, som kjem tilbake med informasjon.
Oppdatert kl 07.55:
– Bussen har no kome seg vidare. Den sto fast i 20-25 minutt, og det skapte nokre vanskar i trafikken, seier pressekontakt Øyvind Strømmen i Skyss.
Det var ikkje naudsynt med bergingsbil. Det er uvisst om nokre av entreprenørane på Åsen-Helleskaret-prosjektet gav bussen eit «puff».
