Bilførar meldte seg - vil ha kontakt med vitne
Politiet ber kvinne ta kontakt etter kollisjon mellom pickup og to unge syklistar i Storestraumen.
Torsdag i 13-tida fekk politiet melding om samanstøyt mellom to gutar på sykkel og ein bil.
Uhellet skjedde i Storestraumen nær bustablokka «Soltaket».
– Begge gutane var lettare skadd, det gjekk heldigvis bra denne gong. Det er ei uoversikteleg utkøyrsle, sa politioverbetjent Atle Birkeland fredag.
Han ba samtidig bilførar om å melda seg, noko han gjorde.
– Det framstår som eit «hendig uhell» sa Birkeland fredag ettermiddag.
Då ba han eit vitne om å melda seg, ei kvinne som skal ha sett samanstøyten.
Midtsiden har òg viore i kontakt med bilførar, ein mann i 20-åra, som ønskjer at kvinna kontaktar politiet.
– Eg hadde ein kort prat med ho etter uhellet. Eg bremsa opp for å sjå om det kom nokon, og syklistane klarte ikkje å stoppa før dei krasja i bilen, fortel han.
Vitnet blir skildra som ei kvinne med kort hår, kanskje blå jakke og med ei mørk veske eller bag.
– Kvinna veit sjølv kven ho er. Eg håper ho les dette og kontaktar politiet.
