Bilbrann og utforkøyring etter nestenkollisjon

Etter utforkøyring på Ole Bulls veg onsdag ettermiddag, kom ei ny utforkøyring på Ulvenvegen.

Les ògUskadd etter utforkøyring

Utforkøyringa skal ha skjedd i samband med ein nesten-kollisjon i 18.30-tida.

– To køyretøy var involvert, det eine hamna utfor vegen. Det var ingen personskade og mindre materielle skadar på bilen, opplyser vakthavande ved Bjørnafjorden politistasjon.

Politiet mistenker at ein av bilførarane hadde promille. Det er tatt beslag i førarkortet til vedkomande, ein mann i 50-åra, og oppretta sak.

Uhellet skjedde i eller nær rundkøyringa nær Ulvenparken.

Sløkte bilbrann sjølv

I 23-tida onsdag fekk politiet melding om brann i ein bil aust for Os sentrum.

Meldar fortalde til brannvesenet at vedkomande hadde sløkt brannen sjølv. Politiet har oppretta sak.