Lokal | 11. des. 2020
Bilbrann på Halhjem
Lastebil sto i full fyr då brannvesenet kom fram.
Kjetil Vasby Bruarøyfredag 11. des. 2020 23:37
Fredag klokka 23.05 kom det melding om brann i ein bil på Halhjem.
Klokka 23.29 opplyser 110-sentralen at brannen er sløkt.
Det skal ikkje ha vore fare for at brannen skulle spreia seg til bustad, då dei var eit stykke unna.
– Brannen var i ein liten lastebil parkert ved ei båthamn, fortel Vest politidistrikt via Twitter.
– Det er ikkje meldt om personskade, og det er heller ingen trafikale problem på staden.
Årsak er ukjent. Politi og brannvesen er på staden.
