Ber om tips etter utforkøyring
Politiet har oppretta sak etter at ein bil hamna i ein fjellvegg på Lepsøy i natt.
Fredag i 23.30-tida rykte politi, legevakt og ambulanse ut på melding om bil i fjellveggen på Lepsøy.
Det var ingen folk ved bilen då politiet kom fram.
– Vi fekk kontakt med eigar, ei kvinne i 50-åra.
– Ho hadde tatt seg heim etter ulykka, og blei tilsett av helsepersonell heime, opplyser vakthavande ved Bjørnafjorden politistasjon.
Det er ikkje mistanke om alkoholpromille.
Politiet har oppretta sak på brot på vegtrafikkloven §3 «Enhver skal ferdes hensynsfullt og være aktpågivende og varsom så det ikke kan oppstå fare eller voldes skade ...».
– Vi ønskjer tips frå vitne og frå folk som har kome til staden etter ulykka. Personar som har observert noko i samanheng med denne kan kontakta Bjørnafjorden politistasjon.
Bilen blei henta av bergingsbil i 00.40-tida.
