Ber om tips etter pinnekasting
Sto over Liafjellstunnelen og forstyrra trafikken.
Søndag i 16.30-tida fekk politiet melding om to ungdomar som sto over tunellmunningen på Liafjellstunnelen og kasta pinnar ned på E39.
– Vegtrafikksentralen blei varsla, og det er sett gjennom video. Vi ønskjer tips om hendinga, seier politioverbetjent Anne Lyssand.
– Dette var på sørsida, mot Halhjem, legg Lyssand til.
Politiet, som i utgangspunktet har stasjon på nabotomta, men truleg rykte ut frå Fana, sidan det var søndag, kom til staden. Då var ungdomane vekke.
Politiet ber vitne til hendinga om å ta kontakt på dagvaktstelefonen, 56303900.
– Vi vil følgja opp i det forebyggande sporet.
Tidligare på dagen, rundt 11.30, fekk politiet melding om køyretøystans i Skogafjelltunellen.
Bilen sto i havareilomme på veg inn i tunellen retning Bergen. Køyretøyet hadde eit punktert dekk.
Politiet var på staden og bisto førar med å skifta dekk.
