Alfstad ny badesjef

Håkon Andre Egeberg Johansen sa i mars opp stillinga si som dagleg leiar for Osbadet for å ta til som sjef for «Hilleren», Bergen si nye storstove for symjing. I perioden frå Egeberg Johansen slutta har Torbjørg Brattabø vore konstituert leiar.

Tysdag kunne styreleiar Tor Inge Døsen presentera bergensaren Bård Alfstad som ny dagleg leiar for Osbadet.

Alfstad kjem frå ei stilling som spesialkonsulent i Helleren AS.

– Bård har ein imponerande CV. Han har 25-30 års praksisk frå idrett og kultur og byrjar hos oss 1. juli.

– Han har ei brei erfaring frå drift og bygging av idrettshallar og fridrettsanlegg. Han har mellom anna vore dagleg leiar på Fana Stadion, Sentralbadet og Slåtthaughallen, fortalde Tor Inge Døsen då han presenterte Alfstad for formannskapet tysdag.

Spennande utvikling

Bård Alfstad gler seg til å byrja i Os og på Kuventræ. Ifølgje Døsen blir han ein sentral mann i utviklinga av Os idrettspark Kuventræ.

– Det var noko av det som fengja med stillinga. Eg gler meg, det skal bli spennande å vera med å utvikla Os idrettspark.

– Os er ein spennande kommune og har eit spennande idrettsmiljø.

– Osbadet er godt drive og er eit solid badeland, så der blir hovudoppgåva å vidareføra det gode arbeidet, seier Alfstad.