18 bilistar tatt i fartskontroll

Onsdag i 12.30-tida hadde politiet fartskontroll på E39 Halhjemsvegen.

– Det resulterte i 18 forenkla førelegg, opplyser politioverbetjent Anne Lyssand.

Høgaste målte fart var 86 km/t i 70-sona.

Det resulterer i 7050 kroner å betala og to prikkar på førarkortet.

Om vedkomande hadde køyrd 1 km/t saktare ville det blitt null prikkar og førelegg på 5050 kroner.

I tillegg blei det utført promillekontroll på 45 trafikantar. Ingen gav utslag.