100 i kø for NMS-opning
Det Norske Misjonsselskap (NMS) omsette for 20.000 kroner første dag.
Bildeserie:
Laurdag formiddag opna NMS Gjenbruk butikk i Irisgården. Formannen i landsstyret, Kari Sørheim, og ordførar i Os, Terje Søviknes (Frp), fekk mange å tala til under snorklippinga.
– Det var 100 i kø då vi opna og det har vore fantastisk besøk gjennom dagen, seier Leif Fjellvang.
Mykje pengar til bistand
Også omsetnaden, som går til kyrkjebyggande arbeid og bistand, var strålande.
– Det blei ein veldig god opningsdag, vi selte for nesten 20.000 kroner, seier Fjellvang.
Gåvmilde og arbeidsvillige
Meir enn 1300 uløna driv NMS sine gjenbruksbutikkar i Noreg på frivillig basis.
– Vi er no oppe i 25 som vil jobba i butikken på Os, og det er veldig bra. Men vi har framleis plass til fleire, seier Fjellvang.
Han er også glad for at så mange vil gje til sal og gjenbruk. Dei som melder frå at dei har ting til butikken kan dessutan risikera å få pensjonert sokneprest eller distrikslege på besøk.
– Det er mange som ikkje har tilhengar eller sjanse til å levera, så då kjører eg, Nic Lunde eller andre ut og hentar, seier Per Fimreite.