Samferdsle | 18. okt. 2022
Vy: Stenger togtrafikken mellom Bergen og Voss i tre veker
Vy set opp alternativ transport i perioden. Ber reisande å rekna ekstra tid til turen.
Eirin Eriksen Horveitysdag 18. okt. 2022 16:39
Togtrafikken mellom Bergen og Voss blir stengt i perioden 16. november til 10. desember 2022.
Årsaka er at Bane NOR skal bygga nytt på streikningen og utføra vedlikehald mellom Bergen, Voss og Arna.
Vy skriv i pressemeldinga at dei setja opp alternativ transport i perioden.
Slik påverkar dette togene til og frå Bergen:
- Lokaltoget mellom Arna og Bergen blir erstatta med buss. Bussane køyrer frå perrong U på Bergen busstasjon.
- På Vossebanen blir det i perioden frå 16.november til 22. november buss for tog på heile strekninga mellom Bergen og Voss. Deretter blir det buss for tog mellom Dale og Bergen i perioden 23. november til 10. desember. Frå Bergen køyrer bussane frå Zander Kaaes gate, utanfor togstasjonen.
- Tog på Bergensbanen blir erstatta med buss mellom Bergen og Voss. Bussane går også frå Zander Kaaes gate. Merk at bussane frå Bergen køyrer 30 minutt tidlegare enn dei ordinære avgangstidene.
- Ingen nattog vil gå i perioden sporet er stengt.
Vy ber reisande å sjekka vy.no eller Vy-appen for oppdatert reiseinformasjon. I pressemeldinga anbefaler selskapet at reisande reknar ekstra tid til turen.