Viste vinnarvilje
Det blei tett løp då Lysekloster på 2. plass tok imot Kopervik på 5. plass på tabellen.
Lysekloster var nær på å måtte gje vekk poeng i nok ein heimekamp då dei i går tok imot Kopervik til 12. serierunde.
– Vi møtte ein kod motstandar og det blei ein slitekamp. Men i motsetnad til førre heimekamp gjekk det vår veg denne gong, seier trenar Thomas Sandal.
Lysekloster - Kopervik 2-1 (0-0)
Mål, Lysekloster: Lars Henrik Skage og Kim Kleivedalen (straffe)
Lars Henrik Skage gav Lysekloster leiinga etter misforståing mellom Kopervik forsvar og keeper.
– Vi let oss påverka litt av presset, og hadde periodar der vi slo mykje langt, men gutane viste ein vinnarmentalitet som blei avgjerande i denne kampen.
Gjestane utlikna, men Kim Kleivedalen putta på straffe og Lysekloster kunne gle seg over tre poeng.
Lysekloster tar no kamp-ferie fram til 22. juli, når dei speler borte mot Fyllingsdalen 2.
Os, som speler i same avdeling, rundar av vårsesongen med heimekamp mot Randaberg, som Lysekloster slo 2-1 borte i førre runde.
Kampen på Kuventræ startar klokka 14 i dag.