Viste misnøye med nytt forslag
Høyringsfristen for endringar i inntektssystemet gjekk ut 1. mars. I går fekk Njåastad høyra at Bahus og Søviknes ikkje er nøgd med forslaget.
Høringsfristen for endringar i inntektssystemet til kommunesektoren gjekk ut 1.mars. Saka var også tema då ei rekkje lokalpolitikarar frå Hordaland Frp torsdag og fredag besøkte Stortinget.
Representanter for regionsenterkommunen Os tok spesielt opp at dei mellomstore kommunane kjem dårleg ut av forslaget til nytt inntektssystem.
Berekningar viser at kommuner på 10.000 til 30.000 innbyggarar blir taparane.
Samtidig er dette kommunar som har tilsvarende utfordringar som storbyane, med høgare kostnadar knytt til psykiatri, sosialhjelp og barnevern.
– Vi meiner det blir feil at kommunar med viktige regionsenterfunksjoner skal koma dårlegare ut i det nye inntektssystemet, spesielt når ekspertutvalet for kommunestruktur meiner at 15.000-20.000 innbyggarar er ein god kommunestorleik, seier ordførar Terje Søviknes.
– Tar med meg innspela frå Os
Desse utfordringane tok han, saman med lokal- og fylkespolitikar Gustav Bahus, opp med leiar av Stortingets kommunal- og regionalkomite, partifellen Helge André Njåstad.
– Vi går no gjennom alle høyringsuttalelsene og skal landa ein konklusjon i løpet av våren. Intensjonen med det nye strukturkriteriet i forslag til inntektssystem er å skilja mellom frivillige og ufrivillige små kommunar.
– Det er viktig å få på plass ei endring i lys av Kommunereformen, men eg ser heilt klart det urimelege i at mellomstore kommunar taper på omlegginga, seier Njåstad.
– Innspela eg har fått frå Os Frp tar eg med meg vidare. Vi skal prøva å få til ein formel der kommunar med 10.000 til 30.000 innbyggarar kjem betre ut.