Vêret i Os | 16. jan. 2022
Vinden velta tre - Borgavegen stengt
Uvêret har byrja å setja sitt preg på Osbygda.
Kjetil Vasby Bruarøysundag 16. jan. 2022 19:29
Vindstyrken er venta å auka i Os utover kvelden, og det bles allereie friskt i 19-tida.
Klokka 19.17 fekk vi melding om velta tre over den kommunale vegen Borgavegen.
– Nokre tre har velta i Lonebakkane. Vegen er blokkert og det ligg nokre leidningar i bakken, fortel Olav Skorpen.
- Har vinden gjort skade der du er? tips@midtsiden.no / 90789270
Ein annan tipsar fortel at ein lyktestolpe står skeivt lengre oppe i bakken.
Verken brannsjef Eivind Hovden eller teknisk vakt i Bjørnafjorden kommune, Hege Bolstad, hadde høyrd om den blokkerte vegen då Midtsiden tok kontakt.
Dei har heller ikkje fått melding om problem andre stadar.
BKK Nett sitt kart over straumbrot viser ingen problem i Os, berre 72 hus PÅ Osterøy så langt.
