Vil utvida prosjekt i Finnebrekka
Finnebrekka Utvikling AS vil utvida frå 12 til 36 bueiningar i fire til sju etasjars terrasseblokk. Sjå dei første skissene.
Bildeserie:
Torsdag kom Plan- og bygningsutvalet med innspel til utbyggjar Finnebrekka Utvikling AS som har varsla oppstart av arbeid med endring av reguleringsplanen for Finnebrekka, Stølen, Troppabakken.
– Føremålet med planen er å endre og å utvide areal regulert til konsentrert utbygging på 63/28, 57, 180 og 181.
– Planen er å vidareutvikle planforslaget som vart godkjent i 2008 på 63/28, der det vart godkjent 12 einingar med 24 parkeringsplassar, i 7 etasjar terrassert blokk med byggehøyde opp til kote +29,4.
– I planendringa vil ein føre vidare terrasseblokkprinsippet til 63/180 og 181. Det blir no planlagt for om lag 36 bueiningar i terrassert blokk på 4, 6 og 7 etasjar med parkering i nedsenka garasjeanlegg og byggehøyde opp mot kote +27,5.
Planforslaget bygger på eit grep som underordner seg landskapsdragene – kollen bak – og gir solrike uteopphaldsareal på store terrasser framfor kvar bueining, heiter det i saksutgreiinga til politikarane.
Blei godkjent mot bygging av fortau
Planane for delar av området blei godkjent i 2008, då med visse rekkjefølgjekrav.
– Dette er ein gamal sak frå 2008, er det nokon som kan seie noko om historikken. Kva er den store forandringa, undra Harald Døsen (Ap).
Espen Aspenes (Frp) tok på seg rolla som historieforteljar.
– Eg kan freiste. Det var mykje debatt i kommunestyret då utbygginga vis a vis det gamle produksjonslokalet til Kleiven blei godkjent. Slik eg hugsar det så blei det vedtatt at dei kunne byggja eit visst tal leilegheiter, mot at det skulle byggjast fortau mot gamle Osbrua. Eg meiner òg at det blei sagt at om det skulle vera vidare utbygging, så måtte det også lagast fortau mot Hatvikvegen.
– Vi har hatt ein sak etter på òg, på delar av tomta til Osheim, som sa noko om fortau sørover, men det ville ikkje Frp/H. Slik vedtaket i denne saka ligg så seier det at ein skal sjå nærare på dei tinga som var diskusjonsteam i 2008, supplerte Terje Sperrevik (TvS).
For høg utnytting?
I innspela til utbyggar peiker kommunen på at planen i all hovudsak følgjer retningslinjer og krav i kommunens arealplan, men at ein i det vidare arbeidet særleg bør sjå på arkitektur og landskap, veg og fortau, born og unge, universell utforming, teknisk infrastruktur, sikring av miljøkvaliteter og kulturminneverdiar.
– Utnyttelsesgraden var òg eit stort team sist gong. Eg for min del ser kanskje ikkje for meg at det er plass til så mykje som utbyggjar ser for seg, kommenterte Sperrevik som foreslo at også det burde inn i vedtaket og at ein i tillegg seier at utbyggjar må, ikkje bør, sjå på dei punkta kommunen peiker på.
Fleirtalet, bestaande av Frp/H meinte det helt med bør.