– Vil halda dei frå kvarandre

Fredag i 15-tida fekk politiet melding om brot på besøksforbod - i form av ulovleg oppringing.

– Vedkomande som er ilagt forbodet ringte til mora si, som personen har besøksforbod mot.

– Dette er i strid med forbodet, i tillegg fekk vi inntrykk at personen var på veg til adressa, fortel politiførstebetjent Audun Hadler-Olsen.

Patruljen rykte ut til adressa, men det viste seg at det blei med den eine telefonen.

Gjeng vs familie

Politiet delte også ut fleire besøksforbod fredag.

– Vi har jobba ei stund med ei konfliktsak mellom nokre utanlandske personar og ein utanlandsk familie busett i Os.

Konflikten førte blant anna til væpna aksjon i slutten av januar.

I går blei fire personar ilagt besøksforbod mot familien. Besøksforbodet går begge vegar.

– Det ser ut til at den dårlege stemninga mellom desse ikkje blir løyst, så besøksforbodet er eit verktøy i forsøk på å hindra at det forverrar seg eller at det går til fysisk konfrontasjon.

Tiggar og sovande kvinne

I 18-tida i går fekk politiet melding om ein utlending som gjekk med ein lapp på dørene til folk på Søfteland.

I 5-tida i natt fekk politiet melding om sovande kvinne i bil ved Halhjemsvegen.

– Vitnet hadde reagert på ein bil som sto og gjekk på tomgang ved den eine fotoboksen på Halhjemsvegen. Den hadde stått der lenge.

Meldar hadde sjølv gått bort til bilen, der ei kvinne sat og søv.

– Ho hadde forklart at ho hadde drive med flytting og var trøytt, og så kjørte ho frå staden. Via registreringsnummeret vi fekk fann vi ei adresse, der vi oppsøkte ho, og kvinna bles 0,0 i promille, så alt var OK, fortel Hadler-Olsen.