Vil ha mindre parkering

Torsdag i neste veke skal plan- og bygningsutvalet handsama framlegget til ny parkeringsnorm for Os kommune etter at dei i sluten av november la den ut til offentleg ettersyn.

- Dette har vi etterlyst ganske lenge. Os blir eit meir og meir urbant område.

- Vi må berre passe på at ikkje normen blir slik at vi må ansetta fleire folk på parkeringsavdelinga. Parkeringsdekninga på dei gamle felta våre er alt for dårleg, meinte Gustav Bahus (Frp) då.

Harald Døsen (Ap) var oppteken av å laga ein norm som ikkje gjorde at førstegongsetablerarar fekk store kostnadar med å opparbeida parkeringsplassar i staden for husvære.

- Kan vi få ei oppstilling av dagens norm mot det nye framlegget? undra Døsen.

Viktig for nyetablering

Når utbyggarar ser seg om etter nye områder å etablera seg i er kravet til parkering eit av momenta som er med i vurderinga.

- Oversikta frå andre kommunar viser at det er stor skilnad på korleis kommunane praktiserer krav til parkeringsplassar, men det er ingen av kommunane som har så strenge krav til dekning som Os kommune, skriv rådmannen i si saksutgreiing.

- Nye bustadmønster med mindre einingar og tettare busetnad gjer at parkeringsnormene rundt om i kommunane er under press. For den nye reguleringsplanen for Solsvik i Fjell er krava redusert frå 2 plassar til 1,5 plassar. I vedtatt planprogram for Straume er parkeringsdekninga innafor planprogrammet redusert til 1,2 pr bustadeining.

Uheldig med dispensasjon

I saksutgreiinga trekk rådmannen fram at det er uheldig å ha ei norm som blir oppfatta som urimeleg. I mange tilfelle ser administrasjonen at dagens norm kan gje uheldige konsekvensar.

- Stadige søknader om å fråvike norma er også eit signal om at den ikkje lenger er tenleg i det vidare arbeid med å utvikle Os kommune, og særleg Osøyro, til eit livskraftig regionsenter, argumenterar rådmannen i saksutgreiinga.

Gjeld ikkje alle

Den nye parkeringsnorma vil få tilbakeverkande kraft for nokre planar med ikkje alle.

- For eldre reguleringsplanar, som viser til gjeldande norm, vil den nye norma få verknad for alle byggesaker innanfor planane.

- For godkjente reguleringsplanar som viser til konkrete parkeringskrav, vil krava i reguleringsplanen gjelde framfor ny parkeringsnorm. For andre byggesaker vil norma vere rettleiande, forklarar rådmannen.

Slik blir den nye norma

Nedanfor finn du ei samanstilling av den gamle og den nye norma. Grensane for sentrumsområdet ser du på kartet til høgre.

Formål/Verksemd Grunnlag for utrekning Bil
(ny) Bil
(gml norm) Sykkel
(ny) Sykkel
(gml norm) Frittliggande einebustad Bueining 3 3 2 1-2 Husvære >65 m2 BRA (rekkehus, kjedehus, leilegheiter, utleigedel o.l) Bueining 2 3 (>60 M2) 2 1-2 (>60 m2) Husvære <=65 m2 (leilegheit, utleigedel o.l.) Bueining 1,5 2 (<60 m2) 1 1 (gjeld kun hybel) Fritidsbustad Bueining 1 1 Omsorgsbustad Bueining 1 1+0,6 (Bueining/tilsett) 1 Sentrumsområde, sjå kart Bueining 1,2 2 1 Barnehage Barn 0,3 1 (tilsett) 0,2 Minst 50% av tilsette Skule (grunn- og vidaregåande) Årsverk 1,0 1 (tilsette/elevar >18 år) 3 Minst 50% av ans.+elev Forsamlingslokale (kino/teater, kyrkje) Sitjeplass 0,3 0,5 0,2 5% av ant. sitjeplass Forretning, handel, kjøpesenter 100 m2 BRA 2,5 1,5-3,5 (detalj/varehus) 0,2 3-4 Kontor 100 m2 BRA 1,5 1,5-2 0,2 2 eller min 10% av ans. Industri, verksted 100 m2 BRA 0,8 1,2 0,2 2 Lager 100 m2 BRA 0,4 0,5 0,2 Restaurant, kafé 100 m2 BRA 0,4 0,3 (Sitjeplassar) 0,2 Mosjonslokale 100 m2 BRA 1,0 0,2 Idrettsanlegg Tilskodar/tilsette 0,2 0,5+0,3 (tilskodar/tilsett) 0,1 Min 10% av ant. tilsk. Hotell, overnatting Gjesterom 0,6 1+0,5 (gjesterom/tilsett) 0,2 Sjukehus,sjukeheim Seng 0,5 0,2+0,6 (seng/tilsett) 0,1 Småbåtanlegg Båtplassar 0,5 0,5 0,2 nbsp; Bensinstasjon Årsverk 1,5 12+6 (service/tanking) 0,2 nbsp;