– Viktig å visa støtte

Valkampen dreg seg til og SV har lagt ut på ein landsomfattande turné kor dei vitjar krikar og krokar med ein spesialdesigna SV-buss. Tysdag var turen kommen til Os, kor SV-leiar Audun Lysbakken og 2. kandidat for SV frå Hordaland, Gina Barstad, nytta høve til å overrekke ein blomst til Siv Søgnen Olsen, på vegne av reinhalderane som har mista jobben etter at kommunen byta leverandør av reinhaldstenester og Hege Bjørnør, leiar av Fagforbundet, som i fjor tok medlemmar i den private delen på Luranetunet ut i streik.

– I tillegg til å driva valkamp, ønskjer vi å heidre menneskjer som står for noko som er bra.

– Desse kjempar for ansatte sine retter i Os kommune og mot konkurranseutsettinga. Valet handlar om sterkare fellesskap eller meir konkurranseutsetting og privatisering.

– Både reinhaldarane sin kamp og omsorgsstreiken er symbol for fellesskapet, helsa Lysbakken.

– Eit klart varsel

Lysbakken meiner at det reinhalderane har opplevd er eit klart varsko til andre kommunalt tilsette om det blir ei høgrestyrt regjering.

– Den måten reinhaldarane har blitt behandla på er uakseptabel og viser korleis høgresida si konkurranseutsetting virkar.

– Men er ikkje det at kommunen no vann tilbake driften av den private delen av Luranetunet eit døme på at det virkar?

– Nei. Det er veldig bra at dei kommunalt tilsette vann, men det viser berre at det ikkje er noko grunn til å konkurranseutsette.

– Det viser at kommunane fint klarer å løyse desse oppgåvene sjølv, så lenge ein stoler på dei som jobbar der og lar dei få blomstra.

– Det å dumpa betingelsane slik som ein gjer via konkurranseutsettinga er ikkje måten å betra kvaliteten i eldreomsorga. God kvalitet treng gode folk, og då nyttar det ikkje å gje dei svekka pensjonsbetingelser til dømes.

Staten vil bidra meir

Audun Lysbakken sat tidlegare som barne- og likestillingsminister, mellomanna då den nye statlege finansieringa av ikkje kommunale barnehagar blei utarbeidd.

– Konsekvensen for Os kommune av den ordninga var ei betydlege auke i dei kommunal kostnadane med barnehagar, ein kommentar?

– Der er det ei opptrapping frå staten på gang. Staten har lova å bidra med meir.

– Eg er meir uroa for Os kommune sin økonomi om høgresida får innført sin politikk med skattelette. Det blir vanskeleg for kommunane om det kjem store kutt i skatteinntektene.

Trygg vei før bru

Etter ein kjapp stopp på torget på Osøyro kjørde SV-bussen vidare mot Halhjem. På veg sørover fekk folkeaksjonen mot Bru moglegheiten til å framføra sine argument.

– Kva er SV sitt standpunkt i høve fergefri E-39?

– Vi har vore klare heile tida på at det ikkje skal koma bru før vegstandarden på Vestlandet er betra.

– Så lenge det finnst vegar utan midtstripe, så er det uaktuelt å byggja bru.

– Kva med vegen mellom Svegatjørn og Rådal, som enkelte hevdar heng i ein trynn tråd om ikkje brua kjem?

– Den er det gjort vedtak på, mellomanna i Nasjonal transportplan. Der har staten tatt på seg tydlege forplikting, så det er ingen grunn til å frykta at den heng i en tynn tråd, avslutta SV-leiar Audun Lysbakken.