– Vi klarer det ikkje utan kommunane

Tysdag blei konferansen «Grøn Bjørnafjord» arrangert i Vargasalen i Oseana.

– Vi merka tidleg at interessa var veldig bra og det endte med fulltallig påmelding med 80 deltakarar. Tilbakemeldingane har vore kjempegode, seier Næringssjef Elin Bryn Thorsen.

Vestland fylkeskommune har sett som mål å bli eit nullutsleppssamfunn innan 2030. Bjørnafjorden kommune er ein av fem kommunar i fylket som har sett seg same mål.

– Vestland fylke er på storleik med Belgia. Vi klarer ikkje å nå målet utan å ha kommunane med på det, sa fylkesvaraordførar Natalia Antonia Golis (MDG).