– Vi har forplikta oss
Ordførar Terje Søviknes (Frp) og varaordførar Marie Bruarøy (H) kommenterer Os Idrettspark Kuventræ. – Vi har forplikta oss til å finna ei løysing i inneverande periode.
Arbeidsgruppa for "Os Idrettspark - Kuventræ" la tysdag fram sin rapport for kommunestyret i samband med rådmannen sitt budsjettframlegg.
Rådmannen har ikkje funne rom til investeringane, som blir på om lag 60 millioner kroner.
– Vi skjønte at dette ville koma frå rådmannen og har difor diskutert det på førehand.
– Vi vil difor søka å finna ei løysing slik at prosjektet kan realiserast i inneverande periode, seier ordførar Terje Søviknes (Frp).
– Det forplikta vi oss til for 2 år sidan i samband med valet, supplerer varaordførar Marie Elisabeth Lunde Bruarøy (H).
Har ideear
Dei to fortel at partia allereie har gjort seg tankar om korleis prosjektet kan finansierast.
– Det var vi som sette i gang prosjektet. Vi vil ikkje løpa frå ansvaret, forsikrar Søviknes.
– Vi har allereie nokre idear til korleis vi kan løysa dette, seier Bruarøy.
– Vi vil òg invitera til budsjettsamarbeid med dei andre partia i kommunestyret, då spesielt V/KrF.
Første sjanse til samarbeid blir når eit utvida formannskap møtast til budsjettkonferanse neste veke.