– Vi er litt gode
Bildeserie frå Bendit Cup: Søfteland med ein siger og eitt tap laurdag formiddag. – Det har gått fint, smiler unggutane.
Bildeserie:
Laurdag morgon klokka 0900 blei dei første kampane av årets Bendit Cup sparka i gang. Eitt av laga som var tidleg på graset var gutter 7 og 8 frå Søfteland.
– Korleis har det gått då?
– Det har gått fint.
– Vi har tapt ein og vunne ein. Dei vi tapte mot var gode, fortel dei ivrige Søftelandsgutane.
– Kva med dykk då. Er de gode?
– Ja, vi er litt gode, smiler dei tibake omkapp med sola på Kuventræ.
Godt nøgd
Representantar frå hovudsponsor BAMA var laurdag morgon på Kuventræ for å ta cupen i nærare augesyn.
– Tilbakemeldingane vi fekk var berre positive.
– Eg trur dei koste seg dei timane dei var her, fortel Leif Idar Røen frå Os Turn Fotball.
250 frivillige
Cupen omfattar 105 påmeldte lag som skal spele fire kampar kvar seg i løpet av laurdag og sundag.
– I dag har vi 100 kampar satt opp, i morgon er det 108 som skal spelast før A-laget møter Odda klokka 16.
– Spelarane er frå 6 til 12 år, fortel Røen om cupen som i år blir arrangert for 28. gang, men berre 2. gangen under Bendit Cup-namnet.
– Det heile starta i 1986 med Karstein Bårtveit som var cup-general dei 22 første åra.
– Totalt er det vel omlag 250 menneskje som stiller opp på dugnad og som dommarar for å få det heile i mål, avsluttar Røen i det han bles i gang nok ein kamp på Kuventræ.
Sjå stor bildeserie frå laurdagens kamper på Midtsiden si facebookside.