Ventar ein tøff kamp

Det blir ei skikkeleg heimerunde denne helga med kampar fredag for både Lysekloster, Søre Neset og Søfteland.

Lysekloster rykka før sesongen opp til 3. divisjon og møtte naboane i Os Turn i serieopning på Kuventræ, ein kamp Os vann 3-0.

I sesongens første heimekamp viste laget frå Lysefjorden kva som bur i dei då dei knuste Vaulen 5-1 heime på Edne. I førre runde klarte lysefjordingane 2-2 borte mot Stord.

– Vi pleier vera gode på heimebane. Det reknar eg med vi skal vera i morgon òg, sier Ørjan Sandal, dagleg og sportsleg leiar i Lysekloster IL.

Frå tøff cup-kamp

Motstandar er Øystese med tidlegare Brann-profil Cato Guntveit i spissen. Øystese har sålangt vunne alle sine tre kampar og ligg på toppen av tabellen med ni poeng.

Lysekloster møtte Øystese også tidlegare i vår då dei to laga møttest i kvalifiseringa til NM. Det oppgjeret vann Øystese 3-2, noko som at dei onsdag fekk ta imot Brann i cupens andre runde. 3. divisjonslaget tok ei tidleg leiing, men måtte sjå at eliteserielaget var nokre numre for store i det som enda med 1-6 tap for bergenserane.

– Dei har ein tøff cup-kamp i beina, noko eg håpar kan slå positivt ut for vår del.

– Samstundes er det to lag som kjenner kvarandre godt, så eg reknar med det blir ein tøff og spennande kamp, seier Sandal.

Har nokre skader

Troppen til kampen fredag blir teken ut på treninga torsdag kveld.

– Vi har nokre skadar, så vi får sjå på treninga i kveld kven vi tek med, avsluttar Ørjan Sandal.

Lysekloster spelar klokka 19.00 på Edne.

Dei andre kampane fredag er Søre Neset mot Mathopen klokka 18.00 (6.div) og Søfteland mot Tertnes 2 kl 20.00 (6.div).

Lysekloster 2 spelar larudag klokka 14 på heimebane mot Laksevåg.