Varebil hamna i bekk på Lysekloster
Politiet mistenker at førar var rusa, brannvesenet fryktar forureining.
Bildeserie:
Onsdag klokka 23.20 meldte politiet om «bil i elv» i Os.
– Ingen personar er skadd, men det er mistanke om ruskøyring, opplyser politiet via twitter.
Det er ein liten lastebil som har hamna utfor Lseklostervegen og ned i bekken som renn forbi klosterruinane og Lysekloster hovudgard.
– Meldinga kom klokka 23.20, men ulykka skal ha skjedd noko tidlegare på kvelden, fortel brannsjef Stein Gjøsund.
Os brannvesen har vore på staden for å undersøka om det er fare for forureining i samband med ulykka.
– Det er ein liten lekkasje, det lukta diesel på staden i natt.
– Vi såg ikkje noko blushine verken i bekken eller nede i Pøylo. Men dette er eit sårbart område med mykje fisk og fugleliv, vi skal ut igjen på morgonen torsdag, fortel Gjøsund.