Var totalt utbrent
Ein lastebil på eit lukka område på Storum var totalt utbrent då brannvesenet kom fram. – Det har nok brent lenge før vi fekk melding, seier brannsjefen.
Måndag formiddag fekk brannvesenet melding om at ein lastebil sto i brann på eit lukka område på Storum.
– Då vi kom fram var den heilt utbrent. Det var ikkje mykje vi kunne gjera, anna enn å ettersløkka. Blant anna var samtlege dekk brent opp, fortel brannsjef Stein Gjøsund.
Truleg brent i fleire timar
Brannsjefen har ikkje opplysningar om kva som kan ha skjedd. Lastebilen, ein Sisu, har stått på eit område langt frå folk.
– Det er truleg grunnen til at vi ikkje fekk melding tidlegare. Folk som har sett røyken kan ha trudd at det var eit vanleg bål.
– Lastebilen må ha brent i fleire timar før vi kom ut der, konstanterer han.