Var på åstaden i går
Knuste ruter, tømt pulverapparat og ope hesteibeite (!).
I går formiddag fortalte politiet at det i løpet av helga blei oppdaga innbrot og hærverk på nedlagte Hegglandsdalen barneskule.
I løpet av dagen var dei og undersøkte åstaden.
– Det var fleire knuste ruter, tagging og mykje boss på staden, fortel politioverbetjent Anne Lyssand.
Også eit pulverapparat var tømt i bygget.
– Vi har i utgangspunktet bestemt oss for å fjerna pulverapparat frå bygg som står ubrukte, seier leiar for drift av kommunal eigedom, Dag Søfteland.
– Men her var det dessverre eitt som sto igjen.
I fjor var det blant anna hærverk og bruk av pulverapparat i Fjellheim.
– Patruljen snakka med nokon på staden. Dei sa at hærverket skjedde for to veker sidan.
Eit hestebeite var også opna. Politiet lukka det og varsla eigar, som sette pris på å få beskjed.
I tillegg blei det litt før klokka 20 i går funne ein hund i Smiebakken.
– Innringar kunne ikkje ha huinden heime lenge, for den gjekk ikkje godt i lag med katten vedkomande hadde. Dermed blei hunden levert til Viking.
