Var nær førarkortbeslag

Tysdag kveld fekk politiet melding om nokre bilistar som svidde dekk på parkeringsplassane utanfor Meny og Plantasjen.

– Dette skal vera eit gjentakande problem, seier lensmann Odbjørn Dyrdal.

Patruljen rykte ut og møtte to bilistar som passa med signalement frå meldar.

– Dei to fekk ei åtvaring. Blir dei observert medan dei held på med liknande uaktsam kjøring igjen, så er sjansen stor for at vi tar beslag i førarkorta deira, seier Dyrdal.

Forvirra på terminalen?

Politiet var også ute på Os bussterminal i går.

– Vi fekk melding om at det var ein person på staden som oppførte seg som om vedkomande var forvirra.

– Personen hadde gått inn og ut av bussar og dette hadde pågått ei stund.

Politiet rykte ut, men då var vedkomande vekke.