Korona | 16. apr. 2021
Var du på Apotek 1 Flåten tysdag?
Kommuneoverlegen ber publikum ha låg terskel for å testa seg.
Kjetil Osablod Grønvighfredag 16. apr. 2021 09:55
I dag kom det melding to nye smittetilfelle i Bjørnafjorden kommune.
- Mann i 70-åra, nærkontakt til person som tidlegare har fått påvist smitte. Var i karantene, ingen fleire nærkontaktar.
- Mann i 60-åra. Ukjend smitteveg. Nærkontaktar er sett i karantene.
Bjørnafjorden kommune har i tillegg gått ut og varsla om at eitt smittetilfelle er knytt til Apotek 1 Flåten på Amfisenteret. Apoteket ligg i andre etasje på senteret.
- Apoteket har svært gode smittevernrutinar, og risikoen for smitte er derfor låg.
– Men dersom du var innom apoteket frå klokka 12 og utover tysdag ettermiddag, skal du vere ekstra merksam på eventuelle symptom og ha låg terskel for å teste deg, seier kommuneoverlege Klaus Melf.
