Vann og tapte mot NAV

Ein osing i 20-åra sto i januar tiltalt i Nordhordland Tingrett mistenkt for to tilfelle av uberettiga vinning frå NAV.

Det første tilfelle skriv seg frå 2008/2009 kor mannen blei sjukemeldt frå sitt ordinære arbeidet etter ei skade han fekk i ein fritidsaktivitet. I sjukemeldingsperioda fekk han utbetalt sjukepenger frå NAV via arbeidsgjevar.

Tok ekstrajobb

Mannen tok seg samstundes eit anna type arbeid som ekstraarbeid på kveld og helgene.

Påtalemynde meinte i retten at ekstrajobben skulle gjera at mannen mista retten på sjukepengar.

I si vurdering av saka legg retten vekt på at mannen skal ha vore i kontakt med NAV og spurt om denne problemstillinga. NAV har ikkje loggført noko i sine system, noko retten meiner kan vera som følgje av at samtalane mellom tiltalte og NAV var av ein generell karakter og at sakhandsamar ikkje oppfatta at det var direkte knytt til mannen si sjukemelding.

Handla i god tru

Når retten finn å frikjenna mannen frå dette tiltalepunktet legg dei vekt på at arbeidet i det vesentlege foregjekk utanfor normalarbeidstid for jobben han var sjukemeldt frå og at det soleis var eit arbeid som kunne kombinerast med tiltaltes vanlege jobb.

Det blei òg lagt vekt på at mannen hadde oppgitt inntekta frå ekstrajobben til skatteetaten. Noko som retten fann styrkande i høve mannen si truverd.

Retten trur mannen på at han handla i den tru at han kunne ha ekstrajobben samstundes med at han var sjukemeldt frå ein fysisk tyngre jobb.

Han blei difor frikjend.

Visste han gjorde feil

Del to av tiltalen mot mannen skreiv seg frå to episodar i 2009/10 og 2011 kor mannen fekk arbeidsledigheitstrygd frå NAV samstundes som han jobba i eit vikarbyrå.

Berre dagar før han starta i jobben søkte han om dagpengar frå NAV og fekk dette innvilga.

I retten forklarte tiltalte at han forsto at han ikkje ville ha rett på dagpengar samstundes med at han jobba såvidt mykje som han gjorde, men han leverte likevel elektronisk meldekort kor han berre delvis underrapporterte kor mange timar han hadde jobba.

Beløpt han uberettiga hadde fått utbetalt var på vel 95.000 kroner.

For dette blei han dømd til 28 dagar i fengsel.

Retten legg i straffeutmålinga noko vekt på det gjekk nærmare tre månader frå tiltalen blei tatt ut til den blei sendt inn til retten.

- At ein sak som er påtalemessig avgjort blir liggande i nærare tre månader framstår som unødvendig, skriv dommarane i saka.