Vann med 37 mål!
Os spelte på seg godt med sjølvtillit mot Sotra. No står fire avgjerande rundar igjen.
Bildeserie:
Det blei som venta målrikt då Os tok imot Sotra til botnoppgjer i 2. divisjon i går. Os vann 35-15 borte, men klarte nesten å dobla målforskjellen på heimebane.
– Sjølv om vi veit at Sotra ikkje har gjort det så bra i år, er dette veldig bra av oss, synest assistenttrenar for Os, Gitte Torp.
– Planen var å gjera det vi er gode på, å køyra sikre ting, men å gjera det med tempo. Det fungerte godt.
Os leia 25-7 til pause og vann 47-10!
– 25 mål før pause er tilsvarande det vi ofte skårer på ein heil kamp. Å berre sleppa inn 7 og 3 mål per omgang er òg veldig bra.
Målkalas
Torp gler seg spesielt over at Os skåra heile 47 mål.
Heimelaget gjekk frå 2-1 til 6-1 og vidare til 13-2. Etter pause gjekk det over 11 minutt før gjestane skåra. Då sette dei tre mål på rad utan Os-nettkjenning i mellom. Det blei òg dei einaste måla Os slapp inn i omgangen.
Thiet Dang blei toppskårar med 10 mål, Hilde Kristine Røttingen og Line Hjelle Berentsen sette inn 8 kvar.
– Vi har slite litt med å skåra i det siste, men i dag var det mange som fekk det til. Det gir ein herleg boost inn mot dei siste kampane.
Os - Sotra 47-10 (25-7)
Os: Tiril Grønvigh, Marlene Sund, Thiet Dang 10, Hilde Kristine Røttingen 8, Line Hjelle Berentsen 8, Mia Torp Nielsen 6, Marie Henriksen Håland 6, Nora Berge 5, Frida Lyssand 2, Liv Pauline Lunde 2, Ayleen Akyüz Hagen, Irmelin Catarina Munch Lund og Emma Lyssand.
Os er apoeng med Bjørnar og Stord, som har éin og to kampar mindre spelt, men ligg trass braksigeren i går bak på målforskjell. Både Bjørnar og Stord er bland Os sine fire siste motstandarar.
Dette er dei fire siste kampane til Os (med resultat frå førre oppgjer i parantes).
10/3 Os - Nit/Hak (tapte 27-25 borte)
14/3 Stord - Os (vann 19-18 heime)
20/3 Os - Bjørnar (tapte 33-21 borte)
8/4 Os - Fana 2 (tapte 32-30 borte)