Vann Bieber-billett
Dorte Holen vann billetten frå Fiskarhedenvillan til Justin Bieber-konserten i Telenor Arena onsdag 17. april. – Du tuller ikkje med meg no, var vinnaren sin første reaksjon.
Saman med Liv Osland i husprodusenten Fiskarhedenvillan har Midtsiden køyrd ein konkurranse der vinnaren fekk ein billett til Justin Bieber sin konsert i Telenor Arena førstkommande onsdag.
Responsen har vore stor, med svar frå Bodø i nord til Skarnes i aust. Men vinnaren som blei trekt ut var ei lokal jente som til dagleg går i niande klasse ved Os ungdomsskulen.
– Når eg hadde ein billett til Bieber-konserten til overs, så hadde eg lyst til å lodda den ut blant osingane som har teke så godt i mot husa våre, fortel Liv Osland.
Overraska i klasserommet
Saman med Liv Osland og Karl-Johan Arnesen frå Fiskarhedenvillan tok Midtsiden turen til ungdomsskulen for å overraska Dorte, som ikkje visste at ho hadde vunnet. Ho visste faktisk ikkje at ho deltok i konkurransa heller, då det var mora som sendte inn svara på oppgåvene i hennar namn.
Niandeklassingane i 9D lurte på kva desse folka gjorde i klasserommet, og stemninga blei høg då dei blei klar over at vinnaren av billetten var blant dei.
Spekulasjonane kom fort i gang på kven det kunne vera.
– Det er ei glede for meg å gje denne billetten til Dorte, avslørte Liv Osland til jubel frå ungdommane.
– Er det sant? De tullar ikkje med meg no, var den umiddelbare responsen frå ein rørt og overraska vinnar.
– Nei, det er heilt sant, her er billetten, eg håpar du får brukt den, smilte Osland tilbake.
Dei rette svara
Her er dei rette svara i konkurransen.
1. Kva av desse namna er namnet på eit hus frå Fiskarhedenvillan?
a) Fossekallen
b) Havørnen
c) Hauken
2. Kva er mellomnamnet til Justin Bieber?
a) Drew
b) Aaron
c) William
3. Kva er namnet og prisen på det rimeligste husbyggesettet til Fiskarhedenvillan?
Sparven, kr 580.000,-