Vann 9-0 i ny divisjon
Juniorlaget til Os viste at dei er svoltne på nok eit opprykk i år.
Bildeserie:
Os sine to juniorlag måtte starta i 3. divisjon, då Os trekte 1. divisjonslaget sitt i fjor.
Starten blei god for dei to laga, men dei måtte justera litt og gradvis toppa Os 2, i stadenfor Os 1, for å rykka opp med eitt lag til 2. divisjon før sommaren.
Søndag spelte Os 2, altså det beste juniorlaget til Os, sin første kamp i 2. divisjon.
Os - Trio/Halsnøy/Rosendal 9-0 (3-0)
– Trio gjorde det godt i 2. divisjon i vår, men var ikkje så gode mot oss. Dei har mista ein del spelarar i sommar, som har reist vekk for å gå på vidaregåande skule, seier juniortrenar Vidar Bahus.
– Men eg er naturlegvis nøgd med 9-0, og vi spelte faktisk ein av våre beste kampar til no i år.
Det gjekk litt tid før skåringane kom, men i andre omgang ausa Os inn i Trio-buret.
Kaptein Aleksander Skaar skåra med sine tre nettkjenningar flest mål i kampen.
– Målet er å få dette laget opp éin divisjon til i løpet av året, så det skal bli spennande å sjå utover hausten, seier Bahus.