Valtyrson til Vedholmen
– Vi er veldig spent. Det er første gong vi presenterer arbeid av kunstnaren Erling Valtyrson, fortel innehavar Vibeke Harild.
Laurdag er det vernissage med Valtyrson i Vedholmen Galleri, med Valtyrson, som arbeider som grafikar og er kjent internasjonalt for sine grafiske verk.
Mezzotint-mester
Teknikken mezzotint er ifølgje Harild blitt Erling Valtyrson sitt varemerke, og han er internasjonalt anerkjent for sin teknikk.
Han arbeider innan ei rik motiv-verd, med blant anna stillebein, landskap og portrett.
- Motiva hans hentar referansar frå surrealismen, flamske vanitas og den tradisjonelle landskapstradisjonen, seier Harild.
Valtyrson er utdanna ved Statens Kunst- og Håndverksskole i Bergen og det Vestlandske Kunstakademi i Bergen.
Lokale komponistar
- Med ei rekke utstillingar i inn-og utland, blant anna på Arsène Bonafous-Murat, Paris, Frankrike, Olimpa Theodoli i New York, og Artgraph i Nagoya, Osaka, og Kobe i Japan, i Canada og i Polen, har han blitt eit internasjonalt namn.
Erling Valtyrson er representert i samlinga til blant anna Nasjonalmuseet for Kunst, Norsk Kulturråd, Bergen Kunstmuseum, Rogaland Kunstmuseum og Musee Jenisch, Cabinet des Estampes, Sveits.
– Til opninga kjem òg to av våre lokale komponister, Glenn Erik Haugland og Heidi Tronsmo, som fargar bygda vår i flotte tonar, og som står for musikalsk stemning under vernissasjen.