Valkamp om frivilligverv
Det blei politisk dragkamp i kommunestyret då ny representant til styret i frivilligsentralen skulle veljast.
I utgangspunktet såg det ut som ein kurrant sak som berre skulle ta eit par minutt å banka gjennom, men slik blei det ikkje då kommunestyret tysdag skulle velje ny kommunal representant til styret for Os frivilligsentral.
Lanserte ny kandidat
Administrasjonen hadde innstilt Nina Borgen Halhjem (Frp) til plassen, med Ingrid Opheim (Sp) som vararepresentant.
– Vi har sett litt på kjønsbalansen i styret. Går dette gjennom blir det fire kvinner og ein mann. Vi foreslår difor ein mann som fast representant frå det politiske miljøet, sa Helge Steinum (Ap) og lanserte Thorstein Skårnes (V) ny fast representant og Opheim framleis som vara.
Ba om gruppemøte I
Det var ikkje Frp/H umiddelbart einige i og ba om eit gruppemøte. Dermed blei skal lagt på vent i ti minutt medan politikarane diskuterte internt kva dei skulle gjera.
– Eg vil dra konklusjonen frå gruppemøtet. For det første er det normalt av vi har ei drøfting på dette i formannskapet kor partia der opptrer som ei val nemnd og fordelar verva mellom posisjon og opposisjon. Det som er litt spesielt i denen saka er at representantane i innstillinga er forespurt direkte frå administrasjonen. Når nokon allereie er forespurt så er det litt kjedleg med benkeforslag på denne måten. Vi har likevel konkludert med ei justering kor alternativ kandidat går inn som fast medlem og Nina Borgen Halhjem som varamedlem, forklarte Terje Søviknes (Frp).
Ba om gruppemøte II
Dermed var eitt tredje forslag lagt i bordet.
– Då må eg få be om tid til å diskutera det internt, kommenterte Nils-Anders Nøttseter (MDG) før politikarane igjen samla seg i gruppene for å ta stilling til det nye forslaget.
Konklusjonen etter nye fem minutt blei at, jo, dette kunne alle støtta og Thorstein Skårnes blei vald som fast representant, med Nina Borgen Halhjem som vararepresentant.
Kampvotering
Men valsakene var ikkje over med den eine. Kommunestyret skulle òg velja ein representant til Lysøenutvalet.
– Her er det litt enklare. I instillinga står det berre ein haug med prikker. Vi foreslår difor Bjørn Terje Bøe (MDG), sa Helge Steinum.
– Då fremjar vi Gustav Bahus (Frp), kontra Marie Bruarøy (H).
Dermed blei det kampvotering over dei to kandidatane, kor Bahus gjekk sigrande ut med 18 mot 17 røyster.