Utsett for hærverk i Endelausmarka
Både panser og begge sidene på bilen er ripa opp.
Ein bil som sto parkert på ein av pendlarparkeringsplassane i Endelausmarka er utsett for hærverk.
Hærverket blei oppdaga etter at bilen blei henta måndag for ei veke sidan.
– Vi oppdaga faktisk ikkje før det var gått nokre dagar, for det var mørkt då vi henta bilen, så vi køyrde den berre heim i garasjen, fortel eigar.
Ho bur i Lysefjorden.
– Eg blei sint då eg såg skadane! Pendlarparkeringa i Endelausmarka er eit godt tilbod, men det er skuffande at bilen ikkje fekk stå i fred.
Bilen sto parkert frå søndag klokka 15 til måndag klokka 17.
Bildeserie:
Det sto fleire bilar på plassen då eigar henta sin, men sidan ho ikkje oppdaga hærverket før etter nokre dagar, sjekka ho ikkje dei andre bilane.
– Men eg lurer på om også andre har vore utsett for noko liknande, og oppmodar eventuelle vitne om å kontakta politiet.
– Forholdet er no anmeldt.
