– Utruleg breidde!
Sundag gjekk påmeldingsfristen til UKM ut. 53 personar og 31 innslag er påmeldt. Her finn du artistane og kva dei skal framføre.
For ei veke sidan bestemte arrangørane av UKM for Os og Fusa seg for å utvida påmeldingsfristen til sundag 20. januar. Allereie var det 25 påmeldte innslag, men arrangørane håpa på fleire.
- Det fekk vi. No er vi opp i 53 deltakarar og 31 innslag.
- Dermed tok vi nok eit kvantesprang, smiler Kjetil Osablod Grønnvigh i kulturavdelinga til Os kommune.
Fusa stiller med 9 sceneinnslag og ein film, medan Os stiller med dei resterande sceneinnslaga og tre utstillingar.
Frå trommesolo og folkemusikk til pop og rock
Grønvigh fortel om ei utruleg breidde i dei påmeldte innslaga.
- I år blir det alt frå trommesoloar med Benjamin Kristiansen og folkemusikk med Elen Ekeberg Klippen til dei meir tradisjonelle rock og pop innslaga.
- Det einaste eg saknar på lista i år er danseinnslaga. Dei manglar, men eg reknar med at dei er tilbake for fullt neste år.
- At vi har fått ei så stor breidde er utruleg kult.
Vil skapa eit fantastisk show
UKM for Os og Fusa går av stabelen i Oseana laurdag 2. februar. Tida fram til dit vil Grønvigh nytta godt saman med dei unge arrangørane.
- No byrjar det gøye arbeidet med å setta saman eit show som skal bli best mogleg for artistane og ikkje minst publikum.
- Med den breidda vi har i artistane er eg sikker på at det kjem til å bli knallbra.
Her er deltakarane
Nedanfor finn du deltakarane som er påmeldt i UKM for Os og Fusa.
Film
StrandvikFilm - Knut
Scene
Amalie, Astrid, Christina og Linnea - My Kind Of Perfect
Benedikte Skog - Fragile
Benjamin Kristiansen - first of the year ,og Free drum play along
Christoffer Leikvoll Storvik - Chasing cars
Christoffer Leikvoll Storvik - My heart is twisted in pieces
Elen - Nøringen
Frida - Change
Hanna Øygard - Vårsang
Hege og Lisbeth - Titanium
Ida Bjørge - Small Bump
Idar Rolland - Me and my hope
Idar Rolland - Hjerteknuser
Irmelin - Gymnopedie no. 1
Jone Kuven - Eit lydbilde
Legal Words - When you`re gone
Legal Words - Dear John
Mari - Gabriellas Sång
Natasja Smørholm - Without you
Oda og kristine - we are young - Fun
Pink Disease - Prosjekt rullebane
Silje Baldersheim Totland - Skinny Love
Sondre Breivik Benjaminsen - Spor 3
The Band - All day and all of the night
The Band - Boulevard of broken dreams
The SimSan Feat. Den lille flodhesten - Boyfriend
Tuva Maria - Czardas dance
Viljar og Sondre - Dragonborn
julie - you got`a friend
Utstilling
Annika Svendal Os - Katniss Everdeen
Annika Svendal Os - Quorra
Annika Svendal Os - Edward Scissorhands
Maria Jansen - Tiden vil blomstre
Susann Rosvold - Love