Politi | 17. jan. 2024
Utforkøyring på Strønevegen - mistanke om promille i Os sentrum
Éin var uheldig, ein annan køyrde utan førarkort.
Susann Haukeland Børnesonsdag 17. jan. 2024 08:56
I 13-tida i går kontrollerte politiet eit køyretøy i Os sentrum.
Ein mann i 60-åra køyrde bilen, han har ikkje gyldig førarkort.
– Føraren blei mistenkt for å køyra i ruspåverka tilstand, opplyser politioverbetjent Anne Lyssand.
Ho fortel at mannen blei tatt med til legevakta for blodprøve, og det blei oppretta sak.
Om lag klokka 17.15, fekk politiet melding om ei utforkøyring.
Ein bil hadde sklidd ut på Strønevegen i ein sving.
– Det var ikkje personskade, men køyretøyet stod farleg til, opplyser Lyssand.
Utforkøyringa var rett etter den krappe høgresvingen før du kjem ned til Strønebrua retning Strøno. Varseltrekant blei sett ut, og førar kontakta bilbergar.
