Urinerte og røykte om bord på buss
Var på veg frå Haugesund til Bergen, men blei taua inn på Halhjem.
Tysdag i 13.40-tida fekk politiet melding om uro på ein buss på veg frå Haugesund til Bergen.
Ein mann var til sjenanse for dei andre passasjerane, ikkje minst då han røykte og urinerte inne i bussen.
– Vi sendte ein patrulje til Halhjem som tok hand om mannen då bussen kom i land med ferje frå Sandvikvåg, opplyser politioverbetjent Anne Lyssand.
Mannen, som er i 50-åra, blei køyrd heim til Bergen.
Busselskapet vurderer å melda vedkomande.
Fellesmøte med bussjåførar
Politiet kunne ta dei ferske opplevingane med seg i relevant møte.
Tysdag kveld hadde nemleg politiet samarbeidsmøte med bussjåførar i og rundt Os, for å diskutera korleis dei kan handtera vanskelege situasjonar og hendingar om bord på og utanfor buss.
