Lokal | 27. mars 2016
Urinering, drikking og fyllekøyring
Natta har vore prega av saker knytt til alkohol.
Andris Hamresundag 27. mars 2016 09:17
Det har vore ei relativt roleg natt for politiet i Os. Dei tre sakene operasjonsleiar Kolltveit kunne rapportere om er alle alkoholrelaterte.
– Det er to tilfeller frå i natt. Vi har ein som blei anmelt for urinering på offentleg stad, nærare bestemt i Torggata, og ein som blei tatt for drikking på offentleg plass, på øyro, fortel Kolltveit på operasjonssentralen til politiet i Vest.
– I tillegg jobbar patrulja med ein sak nett no. Dei stoppa på eige initiativ ein bil i Mobergsbakken. Der er det litt uklare omstende rundt køyringa, men dei to 19-åringane som var i bilen er tatt med på legevakta for utvida blodprøvetaking, avslutter Kolltveit.