Ungdom med MOT

I fleire år har Os kommune vore MOT-kommune og eit årleg arrangement er Ungdom med MOT-skulering.

– Vi har samla flotte ungdomar frå dei tre ungdomskulane i Os for førebu dei på å reisa ut til 7. klassane i Os og undervisa i MOT sin filosofi, fortel MOT-koordinator i kommunen Ellen Merete Lyssand.

For å bli Ungdom med MOT måtte elevane senda inn søknad, og 26 heldige blei valt ut til å vera med.

– Då har vi nok til å nå ut til alle skulane i krinsane.

– Er rollemodellar

Elevane blir plassert saman to og to og skal saman reisa på tre besøk til ein sjuande klasse i Os.

– I dag let vi ungdomane bli kjent med kvarandre, lærer dei om kva MOT er og førebur dei på kva dei skal gjera ute i skulane, seier Lyssand.

Etter ein dag med undervising blei tirsdagen avslutta med bowling og pizza.

– Elevane vil ha ei ekstra oppgåve når 7. klassingane byrjar på ungdomskulen, med å vera gode rollemodellar for dei, samtidig som det er godt for dei yngste å ha nokon dei kjenner blant dei eldste.

MOT sin filosofi er delt inn i verdiar og prinsipp:

MOT sine verdiar:

• Mot til å leva
• Mot til å bry seg
• Mot til å seia nei

MOTs prinsipper:

• Jobbe i forkant
• Sjå heile mennesket
• Forsterka det positive
• Bruke ansvarlege kulturbyggjarar til å inkludera andre

Gler oss til å reisa ut

Niandeklassingane Oda Andersen Lekven frå Os ungdomskule og Erik Hofflandsdal frå Søfteland skule hugsar godt då dei fekk besøk av MOT-ungdomane i 7. klasse.

- Det var veldig stas å få besøk av tidlegare elevar på skulen, seier Erik.

- Eg søkte meg inn i MOT fordi eg ville læra meg det same som dei og så læra det vidare, fortel Oda.

Begge to synest det er spennande å få bli med å læra om MOT og deira arbeid.

- No gler vi oss til å reisa ut på skulane.