Ungdom dømt til fengsel
Ein gut frå Os er dømt til fengsel for blant anna kjøring i rusa tilstand og fleire tilfelle av trugslar og vald, også mot politiet.
Ein gut frå Os er i Nordhordland dømt til fengsel og til å betala oppreising.
Han var tiltalt for brot på sju straffelovar. Tiltalte møtte i retten og sa seg skyldig på alle punkt.
Lovbrota blei utført frå september 2011 til desember 2012, og handlar om vald og trugslar mot offentleg tenestemann, innbrot og tjuveri, kjøring i rusa tilstand og bruk av hasj og amfetamin.
Trass i at han ikkje har fylt 18 år enno blei han dømt til fengsel i 10 månadar.
6 av dei på vilkår med ei prøvetid på to år, for til saman sju punkt.
Årsaka er blant anna at han i 2011 blei straffa i Bergen tingrett med ei fengselsdom på 90 dagar på vilkår, med prøvetid på to år. Det har ikkje hindra han i å begå fleire lovbrot.
Guten må òg betala 1.500 og 10.000 kroner i oppreising til to personar etter to ulike valdsepisodar. (Dei to er ikkje politi.)