Ung mann slo seg vrang
Enda i arresten: Ein mann i 20-åra er sikta for trugslar og forsøk på vald mot politiet.
I 21.30-tida laurdag kveld fekk politiet melding om ein mann som såg ut til å vera for full til å ta hand om seg sjølv.
– Patruljen fann vedkomande i Mobergsbakken nær Os sentrum.
– Han skal ha vore veldig vanskeleg å ha med å gjera, seier operasjonsleiar Erik Hole.
Politiet tok mannen med via legevakt til overnatting i arresten i Bergen.
– Men det enda ikkje der. Mannen, som er i starten av 20-åra, var så aggressiv at han blir meldt for både trugslar og forsøk på vald mot offentleg tenestemann.
Litt bråk i Prestegardsskogen
Laurdag rett over midnatt fekk politiet klage på støy frå fest i eit hus i Prestegardsskogen.
– Patruljen var ute og gav dei pålegg om å dempa seg, noko dei retta seg etter, fortel Hole.