Sport | 10. apr. 2021
Ung mann frå Bjørnafjorden blei Lotto-millionær
– No blir det hus og kanskje også drømmebilen, seier vinnaren.
Kjetil Vasby Bruarøylaurdag 10. apr. 2021 22:22
Laurdag kveld var det tre spelarar som fekk sju rette i Lotto, ein mann frå Nes i Viken, ein mann i 50-åra frå Oslo og ein 24 år gamal mann frå Bjørnafjorden kommune.
– Såpass! Satan. Kjekt, var det første han klarte å seia då Norsk Tipping slo på tråden.
Sjølv om det var tre vinnarar fekk dei 5,1 millionar kroner kvar.
Han var heime då han fekk gladmeldinga.
– Dette hadde eg aldri trudd. Eg er litt i sjokk no, men gler meg til å dela den gode nyheten med dei nærmaste.
Den heldige vinnaren seier han ønskjer å kjøpa hus. Det kan òg henda at drømmebilen, ein Porsche, hamnar i garasjen.
Han kjøpte kupongen via Norsk Tipping sin app.
Vinnartala: 2 - 4 - 8 - 14 - 18 - 28 - 33
Tilleggstal: 17
