Ull, brettspel og baguettar

18.mars gjekk fylkesmessa for ungdomsbedriftar 2013 av stabelen i Grieghallen.

Os vidaregåande skule var representert med dei tre bedriftene, Paguett UB, Ullmax UB og Kreative spill UB.

Kreative spill UB

Bak ungdomsbedrifta står Marian Landro, Veronika Lervaag, Andreas Aga, Andre Porshe og Klaus Rehberg. Dei sel brettspelet Shut the Box.

- Spelet er eit terningspel for ein eller fleire spelarar.

- Spelarane kastar terningane og veljar om dei enten vil legge ned talla som står på terningane, eller om dei ønskjer å legge ned det eine talet som kommer utifrå summen til de to terningane, forklarar ungdommane.

Kvar spelar prøvar å få ned alle nummerne for å få lukka boksen. Ideen fekk gjengen frå læraren Øyvind.

Ullmax UB

Ann Kristin Gaustad, Christine Hope, Erlend Bjerke og Leonhard Larsen utgjer Ullmax UB som sel ullklede frå merket Ullmax.

- Forskjellen på Ullmax og vanleg ull er at Ullmax inneheld acryl som gjer at man ikkje klør like mye som man gjør med andre ullklede.

- I tillegg seier dei som ikkje tole ullklede frå eit anna merke, at dei tole Ullmax ulla, reklamerar gründerane.

Paguett UB

Gutane i Paguette UB, Simen Moesgård, Håkon Dale, Casper Sperrevik og Fredrik Pedersen sel sjølvlaga baguettar.

Største sponsoren dei har er Eurospar Amfi Os, som gjer dei gode priser på råvarene, og lar gutane låne kjøkkenet til å lage baguettene i.

- Vi baguettar ved bestilling, og du vel sjølv om du vil ha varme eller frosne baguettar levert, forklarar dei fire matglade gutane.

Fylkesmessa er ei kåring blant ungdomsbedriftane ved alle dei vidaregåande skulane i Hordaland. Fire av bedriftene blir sendt vidare til NM for ungdomsbedrifter. Diverre var det ingen av laga frå Os som nådde opp i konkurransa. Desse fire bedrifta skal representera Hordaland under NM på Lillestrøm 25.-26. april: Folkelokk UB frå Odda vidaregåande skule, Leselyst UB også frå Odda vidaregåande skule, Sludd UB frå Bergen Handelsgymnasium og Flat Mat UB frå Fitjar vidaregåande skule.