Lokal | 11. mars 2017
Uklart slagsmål i sentrum
To menn braka saman i sentrum natt til laurdag. Kvifor veit ikkje politiet.
Andris Hamrelaurdag 11. mars 2017 09:26
Det har vore ei relativt stille og roleg natt for politiet i Os.
– Vi kom over eit slagsmål i Os sentrum natt til laurdag klokka 0353, men kva som var årsak og kva rolle dei har spelt opp mot kvarandre er noko uklart. Dei blei begge pålagt å halde seg unna sentrum i 12 timar.
– Det var to menn som braka saman, ein mann i 20- åra og ein mann i 30-åra. Ingen av dei har anmeldt kvarandre så langt, fortel operasjonsleiar ved Vest politidistrikt.
Pipebrann i Steglet
Tidlegare på kvelden hadde brannvesenet ei utrykking til Steglet kor det var meldt om ein pipebrann.
– Vi var ikkkje ut der. Dette tok brannvesenet seg av og fekk sløkt. Det skal ikkje ha vore gjennomslag i pipa.